Elevar med anna morsmål enn norsk kan søkje om ekstra norskundervisning, slik at det blir lettare å følgje den ordinære opplæringa i skulen.
Vi gir dette tilbodet på alle grunnskulane våre i Osterøy kommune.
Slik søkjer du
Ta kontakt med skulen der eleven går. Skulen skal gi deg informasjon og hjelpe deg med å søkje.
Skulen skal kartleggje kva kunnskap eleven har i norsk før vedtak blir gjort. Slik kartlegging skal også skje undervegs i opplæringa for å finne ut om eleven har tilstrekkeleg norskkunnskap til å følgje den vanlege undervisninga.
Kven kan få tilbodet?
- Eleven må ha anna morsmål enn norsk og samisk
- Det må vere eigna undervisningspersonale i kommunen (dette gjeld morsmålsundervisning og tospråkleg fagopplæring)
Kva undervisning kan du få?
- Ekstra norskopplæring i grunnleggjande norsk, til dømes gramatikk, støtte ved lese og skrivevansker.
