Overnatting på mellombels overnattingstad
1. GENERELT
Utleigar har ansvar for at krava i dette avsnittet vert fylgd opp.
- Alle manglar påpeika i brannsynsrapportar og annan korrespondanse frå brannvernet skal vere retta.
- Denne instruks skal delast ut til leiarane for den gruppa som overnattar, samt nattevaktar. Dei skal visast rundt og gjerast kjend med rømmingsvegar, varslings-rutinar, sløkkjemateriell og samlingsplass.
- Alle rømmingsvegar frå overnattingsrom skal vere ryddige og oversiktlege. Dørar i rømmingsvegar (også ytterdør) skal vere ulåst. Dei kan låsast dersom låsen har innvendig vridar. Lyset i rømmingsvegar skal vere tend. Det må ikkje plasserast fleire madrassar i kvart rom enn at det vert god tilkomst til dørar og vindauge.
- Nattevakta skal ha telefon kor det er tydeleg oppslag med alarmnumra til brannvern, politi og legevakt.
- Brannvernet skal ha beskjed på vedlagt meldeskjema, 7 dager før bygning skal brukast til overnatting, grunna bemanningsplanlegging.
2. REGLAR FOR INNKVARTERING OG VAKTHALD
Leigetakar (dei som overnattar) har ansvaret for at krava i dette avsnittet vert fylgde.
- Alle som overnatter skal gjerast kjend med instruksen, betydinga av brannalarm og røykvarslarar, rømmingsvegar og samlingsplass.
- All røyking, bruk av varme, gass til koking og liknande er forbode.
- Så lenge det søv folk i bygningen, skal det vere vaken nattevakt til stades. Nattevakta(r) skal ha lykt og mobiltelefon. Vaktar i forskjellige bygningar eller etasjer skal ha samband på mobiltelefon eller på anna hensiktsmessig vis. Dei skal kjenna naudnumra til brann, politi og ambulanse, samt til utleigars representant.
- Nattevakta skal vere kjend med rømmingsvegar, varslingsrutinar, sløkkjemateriell og samlingsplass.
- Han/ ho skal ha oversikt over romma som nyttast til overnatting.
- Nattevakta skal kvar time patruljera i dei delar av bygningen som nyttast til overnatting, også særromma.
- Ta ikkje med bagasje
- Søk gjennom toalettrom og andre ”birom”.
- Lukk dører og vindauge.
- Prøv å sløkkje branntillaup med tilgjengeleg sløkkjemateriell.
- Møt brannvernet og orientera dei.
- Angje om mogeleg brannstad og om evt. kor det er folk inne i bygget.
VED ALARM:
Etter evakueringa går alle til anvist samlingsplass og vert verande der til naudsynt registrering er føretatt.
FALSK/UNØDIG ALARM: Om alarmen vert utløyst ved feil eller unødig skal 110 sentralen ringast umiddelbart for å stoppe utrykking, tlf. 53 03 02 90.
VAKTHAVANDE UTRYKKINGSLEIAR OSTERØY: Døgnbemanna mobiltelefon. 905 72 711.
Sist oppdatert:
01.11.2022
Publisert:
01.11.2022