Skjerper råda om eigenberedskap

DSB har lansert oppdaterte eigenberedskapsråd på nettsida sikkerhverdag.no.

Formålet med råda er å hjelpe folk til å dekkje dei mest grunnleggjande behova i ei krise: varme og lys, mat og vatn, informasjon og legemiddel og hygiene.

Dette er dei største endringane samanlikna med eigenberedskapsråda som vart gitt ut i 2018:

• Tilrådd varigheit på eigenberedskapen aukar frå minst tre dagar til ei veke.
• Meir detaljerte råd om tema som kritisk medieforståing og tilhaldsstader i kriser.
• Nokre heilt nye tema: felles eigenberedskap og psykisk helse i kriser.

I samband med Eigenberedskapsveka 2024 vil DSB distribuere ein ny brosjyre, som samlar dei oppdaterte råda, til alle husstandar i Noreg.